# A-Z A B C D E F G H I J K L M N O P Q R S T U V W X Y Z

Isatay

Reyting:

kanat07

Qaraqalpaq estradasında o’zinin’ qosıqları menen ko’zge tusip kiyatırg’an jas talant iyesi Isatay 1989-jılı 24-sentyabrde No’kis qalasında Aldabergenovlar shan’arag’ında dunyag’a kelgen.Ol kishkene waqtınan muzika a’sbapların shertiwge qızıqqan. Da’slep 11-sanlı orta mektepte to’rtinshi klassqa shekem oqıg’an. Keyin gimnaziyada oqıwın dawam ettirgen. “Muzika tarawina qizig’iwima ajag’am sebep boldi”- dep esleydi Isatay. 3-klassta oqıp jurgen kezlerde gitara shertip u’yrengen. Onın’ ayrıqsha talantı bar ekenin ko’rgen a’kesi Marat ag’a 4-klass waqtında Isataydi “Esjan baqsı” atındag’ı muzika mektebine alıp baradı. Ol jerde Isatay qashqar rubabına Raxmanov Muxtar ag’adan ta’lim aladı. Bul jerde oqıp ju’rip ko’p g’ana konkurslarda qatnasdı.

En’ birinshi ma’rte u’lken sahnag’a “Berdaq” teatrında rubap shertip shıqqan. Muzikalıq mektepte 5 jıl oqıp pitkerip shıqqan. Keyin No’kis Ma’mleketlik Pedagogikalıq Institutı qasındag’ı 1-sanlı akademiyalıq litseyde 3 jıl dawamında oqıg’an ha’m Qaraqalpaq Ma’mleketlik Universitetinin’ yuridika fakultetine tabıslı tapsırıp student degen ataqtı aldı.

Qaraqalpaq estradasının’ juldızlarının’ biri Roman Isataydı birinshi ret estradag’a alıp kirdi desek jan’lıspaymiz. Sebebi Isatay Romannın’ “Ketpe” qo’sıg’ının’ klipinde tu’sken, son’ Roman menen “Ku’n o’ter” atlı duet qosıg’ın aytıp shıqtı ha’m ıqlaspendler itibarına tu’sti. Ol Romandı o’z ustazı sıpatında biledi.

Isatay Roman (Ku'n o'ter klipinen)

Isatay bos waqıtlarında kitap oqıwg’a qızıg’adı. Ko’birek filosofiyalıq ha’m psixologiyalıq kitaplardı oqıydı. Sporttın’ “eskek esiw” , “muaytay” , “awır atletika” tu’rlerine qızıg’adı.
Qosıqlarınının’ ko’pshiligin Karamatdin Za’retdinovqa jazdıradı. Kliplerin bolsa Aybek To’legenovqa isletedi.
Son’g’ı waqtlarda Miran menen birge islesip atir. Son’g’ı qosıg’ı Miran, Roman, Rony menen aytqan “Ne ushın” qosıg’ı bolıp esaplanadı. Bul qosıqtı saytımızdan alıwın’ızg’a boladı (mp3, klip).